پەرلەمان دوماهیک بزمارێ ل تابوتا هیڤیان .

پارێزەر :خەتاب عمر
-
پەرلەمانێ کوردستانێ هەر ل دەستپێکا خوە کۆ ئەنجومەنێ نشتیمانی کوردستان بوو هەتا ڤێ داویێ خرابترین و بێ ئاستترین و بێ بهاترین خول ئەڤ خولە کۆ کومەک باوەرنامەێن بێ زانین و کومەکا کادرێن کەسان تێدا جهگرتینە، بخو ئەگەر پرسیار بیت پێشتر وخولێن بەرێ کورێن جاش و سەروک عەشیر و خولامێن بنەمالان وهتد.. تێدا بوون راستە لێ ژ ڤێ خولێ شێ بهاتر نەبویە ب بەلگەیێ ئەگەر سەیری پروتوکولێ پەرلەمانی بکەین ژ سالا 1992 وەرە بێ کارترین و بێ بنرخترین خول ئەڤ خولا پەرلەمانی یە ژ ئاخفتن و گەنگەشەێن وان دیارە و هەتا د چاڤپێکەفتنێن میدیایی دا .
بخوە پارتی و ئێکەتی هێچ جارەکێ باوەری ب پەرلەمانی و سەروەریا یاسایێ و هەیبەتا یاسایێ نەبویە ب بەلگەیێ کۆ د هەمی خولێن چوی و یێ نوکەدا ژی هیچ کەسەکێ بحسابا وان گرنگ و ب خوین ژ بنەمالەێن وان نە چویە پەرلەمانی نەژی خوە ل ئاستێ پەرلەمانی دیتی یە.
دنوکەدا و ل دیف کریار و گوتنێن ڤێ خولێ بێت حکۆمەتا عەقلێ ئەمنی و استخباراتی یا چاڤدێریا پەرلەمانتاران دکەت ژ دەرڤەی پەرلەمانی کۆ ب ئەنقەست رێ نادەت پەرلەمان کارێ خوە بکەت و چاڤدێریا لڤینێن ڤێ حکومەتێ بکەت ب تنێ نەبیت پەرلەمان بۆ شەرعیکرنا بێ شەرعیەتبونا کارێن وان روینتە خوار و تولێ ڤەکەت.
کارکرن ل سەر بێ هەیبەتکرنا پەرلەمانی و بێ هیڤیکرنا خەلکی ژ ڤێ دامەزراوەیا هەری گرنگ نە بتنێ کریارەکە بەلکۆ پروسەکە دەستهەلاتا ڤێ هەرێمێ دڤێت هەمی ئومێدێن ماین ژی ژناڤ ببەت ب رەنگەکی کۆ هیچ جارەکێ نە تورکان و نە عەرەبا و نە فارسا نەشیایە تاکی کورد هندە بێ هیڤی و بێ ئومێد و بێ نشتیمان بکەت ؟.
دەستهەلات د ڤێ خولێ دا ب مافیانە دخوازیت پەرلەمان دوکانەک بیت بو شەرعیەتدان ب تالانی و وێرانیا وان و بە داخەوە ئوپزسیونەکا ترسنوک و چاڤ شور ژ کۆمەکا بابەتێن دی ێن پشت پەردا بەرامبەر راوستیایە کۆ هندە بێ هەلویست و بێ کارە ئێدی بویە پارچەک ژ وێ پروسا دەستهەلات دخوازیت، ئێدی مەزنترین ئوپوزسیون تورێن جڤاکینە و تورێن جڤاکی ژی ددەمێ داهاتی دێ وەکو پەرلەمانی هێنە مەرجدارکرن کۆ هەر گاڤا ژ بەرژەوەندیێن دەستهەلاتداریێ دەرکەڤن بهێنە داخستن و راوستاندن خەریب نەبینن ژبەکۆ ددەستێ حکومەتەکێ دایە باوەری ب دەمەزراوەیێن تێدا بەحس ل ئازادی و رەخنێ دهێتە کرن قەبولناکەت .
گرنگە یاخی و نەرازی و رەخنەیا تورێن جڤاکی د پروژەکی دا کومڤە ببن و پشتەڤانیا سازیێن نشتیمانی بکەن و ڤان تالانچی و وێرانکەران راو بنێن ئێدی هەیبەتێ بو پەرلەمانی و هیڤیا بو تاکی کورد بزڤرینن .