فەرەنسا دەیەوێت بۆ ئەم ساڵ یاساکانی پێدانی ڤیزای شنگن بگۆڕێت و بۆ هەندێک وڵات قورستری بکات.
ئەم هەفتەیە ئیمانوێل ماکرۆن، سەرۆکی فەرەنسا باسی ئەوەی کرد، دەیانەوێت ریفۆرم لە سیستمی ڤیزای وڵاتەکەیاند بکەن.
بەپێی زانیارییەکان، لەمەودوا فەرەنسا هەوڵدەدات زانیاریی زۆرتر لەگەڵ وڵاتانی دیکەی ئەندام لە یەکێتیی ئەورووپا بگۆڕێتەوە، تاوەکو وەک خۆیان دەڵێن، خەڵکێک کە مافیان نییە، بە ئاسانی نەتوانن ڤیزای فەرەنسی وەربگرن.
هەروەها ئەو وڵاتانەی لە مەسەلەی دیپۆرتکردنەوەی کۆچبەران و زانیاری گۆڕینەوە لە بوارەکانی دیکەی تایبەت بە کۆچبەراندا هاریکاریی فەرەنسا ناکەن، هاووڵاتییانیان بە زەحمەتتر دەتوانن ڤیزای فەرەنسا وەربگرن.
گۆڕانکارییەکی دیکە ئەوە دەبێت، سیستمی پێدانی ڤیزا و کۆکردنەوەی زانیارییەکان باشتر دیجیتاڵی دەکرێن.
فەرەنسا دەیەوێت هاوشێوەی وڵاتانی دیکەی یەکێتیی ئەورووپا سیستمێکی سەرنجڕاکێشتر بۆ راکێشانی دەستی کاری شارەزا دابنێت، پێدانی ڤیزاش بۆ ئەو کەسانەی لە فەرەنسا لە بواری دیاریکراودا پێویستن ئاسانتر بکات.
هەموو ئەو گۆڕانکارییانە هێشتا بڕیاری کۆتاییان لەسەر نەدراوە و گفتوگۆیان لەسەر دەکرێت.
ليست هناك تعليقات
إرسال تعليق