بە گوێرەی ماڵپەڕی شەفافیەت، داهاتی هەفتەیەکی سنووری پارێزگاکانی سلێمانی و هەڵەبجە، ئیدارە سەربەخۆکانی گەرمیان و راپەڕین بە بەراورد بە هەفتەیەک پێشتر، زیاتر لە 71% کەمیکردووە.
ماڵپەڕی شەفافیەت بڵاویکردەوە، لە 02ـی ئادارەوە تاوەکو ئەمڕۆ هەینی، 08ـی ئادار 2024، داهاتی سنوورەکە 11 ملیار و 562 ملیۆن و 841 هەزار و 779 دینار بووە.
بە گوێرەی ماڵپەڕەکە، داهاتی هەفتەیەک پێشووتر و لە 24ـی شوبات بۆ 1ـی ئادار، 41 ملیار و 202 ملیۆن و 587 هەزار و 881 دینار بووە.
ئەو داتایانە تایبەتە بە داهاتە نانەوتییەکان. بە گوێرەی ماڵپەڕەکە، داهاتی هەفتەکە بەراورد بە هەفتەی پێشووتری سنوورەکە، 71.93% کەمیکردووە.
بە گوێرەی ماڵپەڕی شەفافیەت، داهاتی نانەوتیی ئەو سنوورانە لە ساڵی 2023دا زیاتر لە یەک تریلیۆن و 173 ملیار و 996 ملیۆن دینار بووە.
داهاتی نێوخۆ جگە لە خەرجی فەرمانگەکان، بۆ دابینکردنی ئەو کورتهێنانە خەرج دەکرێت کە بۆ پێدانی مووچە دروست دەبێت و بە گوێرەی مانگی رابردوو بێت، 300 ملیار دینار کورتهێنانی مووچە بەو داهاتانە پڕکراونەتەوە.
رۆژی 15-12-2022 قوباد تاڵەبانی، جێگری سەرۆکی حکومەتی هەرێمی کوردستان لە پەیامێکی ڤیدیۆییدا ماڵپەڕی شەفافیەتی راگەیاند.
ماڵپەڕی شەفافیەت لە هەشت بەش پێکدێت و لەلایەن نووسینگەی جێگری سەرۆکی حکومەتەوە سەرپەرشتی دەکرێت و دروشمەکەی "بە سیستمکردن و دیجیتاڵکردنی خزمەتگوزارییەکانی هاووڵاتییان لە دامودەزگاکانی حکومەت"ـە.
ليست هناك تعليقات
إرسال تعليق