دڵشاد شهاب: هەرێمی كوردستان بەردەوام دەبێت لە گفتوگۆ لەگەڵ عێراق

ليست هناك تعليقات



ئەندامێکی سەرکردایەتیی پارتی دیموکراتی کوردستان رایگەیاند، هەرێمی کوردستان بەردەوامە لە دەرهێنان و فرۆشتنی نەوت.

دڵشاد شەهاب، ئەندامی سەرکردایەتیی پارتی دیموکراتی کوردستان و ڕاوێژكاری باڵا لە سەرۆكایەتی هەرێمی كوردستان، لە میانی بەشداریكردنی لە بەرنامەیەكی ڕووداودا ئاشکرای کرد کە هەرێمی کوردستان بەردەوام دەبێت لە فرۆشتنی نەوتی خۆی و هەروەها بەردەوامیش دەبێت لە گفتوگۆکردن لەگەڵ بەغدا لەسەر ئەو بابەتە. 

سەبارەت بە بڕیارەکەی دادگەی باڵای فیدراڵیی عێراق لەسەر هەڵوەشاندنەوەی یاسای نەوت و گازی هەرێمی کوردستان، دڵشاد شەهاب گوتی، "بڕیارەکەی دادگەی فیدراڵیی عێراق خوێندنەوەیەکی ناڕاستی دەستوورە". هەروەها گوتیشی، "دادگەی فیدراڵیی عێراق دەستووری پێشێلکردووە". دڵشاد شەهاب ئاشکرایشی کرد کە یاسای نەوت و گازی هەرێمی کوردستان کارایە و هەڵناوەشێتەوە. 

لەبارەی ئەوەی کە گوایە چەند دادوەرێکی دادگەی باڵای فیدراڵیی عێراق نزیکن لە سەدر و حەلبووسییەوە و بەشێک بوون لەو بڕیارەی درا، دڵشاد شەهاب گوتی، "رەوتی سەدر و حەلبووسی رەتیان کردووەتەوە ئەو دادوەرانە سەر بە ئەوان بن". بەڵام نەیشاردەوە کە زۆربەی دادوەرانی لە عێراق لە ژێر کاریگەریی حیزبیدان لە بڕیارداندا. 


ليست هناك تعليقات

إرسال تعليق