هەرزانترین ئۆتۆمبێلی كارەبایی ئاشكراكرا

ليست هناك تعليقات

پاش تێبینیكردنی خواستی زۆر لەسەر یەكەمین ئۆتۆمبێلی كارەبایی خۆی، كۆمپانیای Wulingی چینی بڕیاریدا ئۆتۆمبێلێكی دیكە بە نەخشە و جۆرێكی جوانتر و زیاتر پێشكەوتوو دروستبكات.

ئۆتۆمبێلی نوێی (Wuling Mini EV) خاوەن هەیكەلێكی جوانە بە درێژیی دوو مەتر و 49 سانتیمەتر، كە گونجاوە بۆ جوڵە و تێپەڕاندن لەكاتی قەرەباڵغی شەقامەكان، جگە لەوەی وەستاندنی لە شوێنە تەسكەكانی قەراغ شەقامەكاندا ئاسانە.



ئۆتۆمبێلەكە لە ئەلەمنیۆم و ڕیشاڵی بەهێزی بەرگەگری بەركەوتن دروستكراوە و كێشەكەی 860 كیلۆگرامە و قەبارەی تایەكانی 12 ئینجە. ڕووناكی دواوەی بە تەكنیكی LEDی نوێیە و بەمەش ڕووناكییەكی تایبەت لەكاتی كارپێكردنیدا پێدەبەخشێت.



ئۆتۆمبێلەكە دوو كوشنی هەیە و داشبوردێكی تایبەتی هەیە كە سیستمی جۆراوجۆری تیا جێگیركراوە، شاشەی بەرامبەر شۆفێر وەك تابلۆی ئەژمێرە ئەلیكترۆنییەكانە كە لەڕێیەوە دەتوانرێت ژمارەیەك لە كارە تەكنیكەكانی ئۆتۆمبێل كۆنتڕۆڵبكرێت.





ليست هناك تعليقات

إرسال تعليق