سه‌ركونسوڵی كۆماری ئیسلامی ئێران له سلێمانی ئاشکرایکرد، مانگی ئایاری ئەمساڵ لە شاری سلێمانی پێشانگایەک بۆ کەلوپەل و پێداویستی ئێرانی لە شاری سلێمانی دەکرێتەوە.
مەهدی شوستەری، سەرکونسوڵی ئێران لە سلێمانی لە ڕاگەیەندراوێکدا دەڵێت، ” دووهەمین پێشانگای تایبه‌تی كۆماری ئیسلامی ئێران له سلێمانی به‌پێی مۆڵه‌تی ده‌سته‌ی په‌ره‌پێدانی بازرگانیی ئێران له 25 تاكو 29ی ئایاری 2021 ی زاینی له ناوه‌ندی پێشانگای نێوده‌وڵه‌تی سلێمانی به‌ڕێوه‌ده‌چێت”.
مەهدی شوستەری داوای لە بازرگانان و کڕیاران کردووە لە هەرێمی کوردستان گرنگی بە پێشانگاکە بدەن و هەروەها داوای لە کۆمپانیا ئێرانییەکان کردووە بەشداری لەو پێشەنگایەدا بکەن.
بە پێی زانیارییەکانی سەرکونسوڵی ئێران لە سلێمانی ئاشکرایکردووە” كۆمپانیای پێشانگا هه‌میشه‌ییه نێوده‌وڵه‌تیه‌كانی باشوری ئازه‌ربایجانی غه‌ربی جێبه‌جێكاری ئه‌م پێشانگایه ده‌بێت و خوازیاران ده‌توانن به‌مه‌به‌ستی تۆماركردنی ناو بۆ به‌شداری كردن له‌م پێشانگایه‌دا، په‌یوه‌ندی به كۆمپانیای ناوبراوه‌وه بكه‌ن”.
ساڵی ڕابردوو مانگی کانوونی دووەم، پێشانگایەک بۆ کاڵاکانی کۆمپانیا ئێرانییەکان لە سلێمانی کرایەوە و پێنج ڕۆژی خایاند، لە پێشانگاکەدا 110 كۆمپانیای ئێرانی بەشداریان تێدا کرد.
ليست هناك تعليقات
إرسال تعليق