مەلەكشا كۆچی دوایی كرد

ليست هناك تعليقات


 
جه‌لالی مه‌له‌كشا، شاعیر و نووسه‌ری ناوداری رۆژهه‌ڵاتی كوردستان له‌ ته‌مه‌نی 69 ساڵیدا كۆچی دوایی كرد و میراتێكی گه‌وره‌ی بۆ كتێبخانه‌ی كوردی له‌دوای خۆی جێهێشت.

جه‌لالی مه‌له‌كشا شاعیرێکی بەناوبانگی کوردە، لە 19-03-1951 لە گوندی مەلەکشای سەربە شاری سنە هاتووەتە دونیاوە و هه‌ر لە منداڵییەوە هۆگری شیعر و نووسین بووە.

جەلال وەك مروڤێکی ئاشتیخواز نەیتوانی ملكه‌چی زوڵم و سته‌مكاری بێت، بۆیه‌ تووشی دەرده‌سەری و ئازاری زیندانیی زۆر بووە.

سه‌ره‌تای كاره‌ هونه‌رییه‌كه‌ی نووسینی شیعر، په‌خشان و چیرۆکی فارسی ده‌ستی پێكرد، لەبەر هێز و به‌هره‌كه‌ی لە نووسیندا بە بێ ئەوەی کتێبی چاپکراوەی هه‌بێت، بووه‌ ئەندامی (کانوونی نووسەرانی ئێران).

دوای ساڵی 1979 قه‌ڵه‌می نووسینه‌كه‌ی دەگێڕێتەوە بۆ ناو زمانی کوردی و لە کوردیشدا زۆر سه‌ركه‌وتوو بوو. بۆ ماوەی 14 ساڵ وەکوو نووسەر و رۆژنامەنووس دەبێتە ئەندامی گۆڤاری سروە و گرنگی زۆر بە زمان و ئەدەبی کوردی دەدات.

شیعرەکانی جەلال تا ئێستا بۆ سه‌ر زمانەکانی فارسی، عەرەبی، ئینگلیزی، عه‌ره‌بی لیبیایی، سوێدی و... وەرگێڕدراون.

جەلال ئێستا ئه‌مڕۆ له‌ ته‌مه‌نی 69 ساڵیدا كۆچی دوایی كرد.




ليست هناك تعليقات

إرسال تعليق