سەرۆک هەنگاوێک بۆ دەرەوە و دو هەنگاو بۆ ناوەوە

فارس نەوڕۆڵی

وەک دەزانن ناوچەکە لەبەردەم بەرجەستەبوونی گۆڕانکاریدایە مێژوویەکی نوێ وجیاواز لە دوێنێ دەخولقێنێ، ئەمەش لە داڕشتنەوەی سیستمێکی نوێی سیاسیدا خۆی دەبینێتەوە. بەتایبەتی لە ڕۆژهەڵاتی ناوەڕاستدا کە بەریەککەوتنی بەرژەوەندیەکان و جەنگی مەزهەبی و فراوانخوازییەکانی تورکیاو ئێران، سیستمی جیهانیان خستووەتە ژێر پرسیارەوە. بۆیە هێڵەکانی دابەشبوونی جیهان بۆ دوو بەرە هەتا دێت تۆختر دەبێتەوە. پرسیارەکە ئەوەیە کورد لە نێوان بەرداشی ئەم دووبەرە یەدا چۆن جوڵەبکات؟ ئەگەر بچینەوە بۆ دوێنێ لە کۆتایی هەموو جەنگە گەورەکاندا کورد بە دۆڕاوی هاتووەتە دەرەوە ،بۆچی؟ ئەمە لەجێگای دیکە قسەی لەسەر دەکەین. کەواتە پێویستە لەم ساتەوەختەدا زۆر هەستیارانە دەست و پەنجە لەتەک پێشهاتە ناوخۆ ی و دەرەکیەکاندا نەرم بکەین، ئەمەش پەیوەندی بە ڕاگرتنی هاوسەنگییەوە هەیە لە ئاستی ناوخۆ و دەرەوەدا ، پێویستی بەئامادەکارییەکی نێو ماڵی کوردیی هەیە،ئەم ڕاگرتنەش پەیوەندی بەهەنگاوەکانی سەرۆکی هەرێم و سەرۆکایەتییەوە هەیە، کە دەبێت لەجوڵەسیاسی ودبلۆماسییەکانیاندا هەنگاوێک بۆ دەرەوەی ماڵی کوردوو دوو هەنگاو بۆ ناوەوە ی ماڵی کوردستانی هەڵگرن . سەبارەت بە دەرەوە دەبێت بزانین ئێستا سەنگی کورد چەندە؟ کورد لەکوێی بەرژەوەندی زلهێزەکاندایە؟چۆن بەرژەوەندییەکانی ئەوان لەتەک دۆخی خۆمان نزیککەینەووە؟تاوەک دووهێزی بەرامبەرمامەڵە بکەین ، ئەمە بۆ بەڕێزتان و شارەزایانی ئەو بوارە جێدەهێڵم، چونکە دەزانم بەڕێزتان وەک نێچیرەوان بارزانی وسەرۆکی هەرێم هێشتا ژمارەیەکی قورسن لە هاوکێشە سیاسیەکاندا. لەئاستی نێودەوڵەتی و هەرێمایەتی و خۆییدا گەمەکەرێکی باشی ڕاگرتنی هاوسەنگین. بۆیە ئەو خەڵکانەی بیر دەکەنەوە بێ جیاوازی بیروڕا ئومێدیان پێتە چوونکە ووە ک سەرکردەیەکی خاوەن دەروونی هۆشمەند دەتبینن.

لێرەدا دەمەوێ لەسەر گەڕانەوە بۆ ناوخۆ قسەبکەم گەڕانەوەبۆقووڵای کوردیی . بەڕێز سەرۆک، ئێوە ئێستا باڵاترین دەسەڵاتی یاسایی کوردستانن کە کۆدەنگی گشتیتان لەسەرە.

بۆیە دەمەوێ قسە لەسەر گەڕانەوەت بۆ ناوەوە بکەم . ئێستا نەتەوەکەت کەبەڕێزتان سەرۆکین ، لەبۆشاییەکی ڕۆحی و سەرگەردانییەکی فیکریدا دەژی، ئەمەش بەردەوام بێهیوایی بەرهەم دەهێنێ، کاتێک گەنجان و ڕۆشنبیران و خەڵکی دیکە بەگشتی بێهیوا بوون کۆمەڵگا بەرەو سەرە و لێژبوونەوە دەڕوات و ئامانجی نامێنێت. کاتێک کە میللەتێکیش ئامانجی نەما دەبێت بە دوژمنی خۆی، چونکە ژیان مانایەکی نامێنێ کە ئامانجێک نەبێت بۆی بژیت. ئەگەر ئێستا تۆڕە کۆمەڵایەتییەکان ورد بخوێنیتەوە هەمووی بووە بە دوژمنی یەک و هیچ بەهایەک نەماوە هەتا دێ دنیای ئێمە لەیەک دوور دەکەوێتەوە و خاڵی هاوبەشمان نامێنێت هەرچی وزەی کوردی هەیە دژی یەک بەکاری دێنین بەردەوام لە بۆنە و ڕووداوە ناخۆشەکاندا وڵات پەلکێش دەکەینەوە بۆ ساتە پڕ ئازارەکان، بۆ زاکیرەی شەڕو یەکتر کوشتنەکان. هەر دوازدە یاساکەی دەروونناسی

لە دەروونی تاکی کورددا تێکچووە. ئەمەش بەرەنجامی ئەو شەڕە فەرهەنگیەیە کە دژی کورد بەڕێوە دەچێت. لەم شەڕە فەرهەنگییەدا (باوەڕەکانمان، خواستەکانمان، بایەخەکانمان ) کراونەتە ئامانج هەتا ڕادەیەکی زۆریش ئەوان سەرکەتووبوون ئێمەیان گەیاندە ئەم دۆخە غەمناکە. بۆیە پێویستە بەڕێزتان لەسەر بنەمای هەنگاوێک بۆ دەرەوە و دوو هەنگاو بۆ ناوەوە بەرنامەی نوێتان دابڕێژنەوە گەڕانەوە بۆ ناوەوەی ڕۆحی کوردی. ئەمەش بەرمەبنای کرانەوەی زیاتری نێوان بەڕێزتا نوو نەتەوەکەت لە تەک دەستەبژێر، لە سیاسی، لەئەکادیمییەکان لە ڕۆشنبیران کە بە بەرنامەیەکی تۆکمە بانگیان بکەیت بۆ بیرکردنەوە، بۆ گفتوگۆ، دەشزانم زۆرێک لە سیاسی و لە حزب و لە ڕۆشنبیران هەر قسەیان هەیە و هیچ پرۆژەیەکی گەورەیان نییە، بۆیە دەکرێ کەسانی پەراوێزخراو هەبن و پرۆژەی جوانیان بۆ ئەم نەتەوەیە پێبێت .

واتە گەڕانەوە یەکی قووڵ. و گشتگیر هەموو ئەمانە لەسەرشانی بەڕێزتانە. دەشزانم ئەرکتان قورسە ڕێگری زۆر دێتە بەردەم و بەربەستەکان زۆرن ،دەشزانم گۆچانەکەی مووسات بەدەستەوە نیە، کەلەساتەوەختێکدا ئەم ڕۆحەبیمارەچارەسەرکەی بەڵام ئەوە قەدەری سەرکردەی ڕۆژە سەخت و ناهەمووارەکانە دەبێت خەبات بۆ ئامانجە گەورەکان بکات و بە حیکمەت بەربەستەکان تێپەڕێنێت ، وەکو گووتوویانە:

( مرۆڤ کە خەونی گەورەی هەبوو، ڕەحم بە خۆی ناکات) ئیتر ئەوەش قەدەری سەرکردەیە. بۆ ئەمەش هەنگاوێک بۆ دەرەوە ماڵی کوردوو ، دووهەنگاووگەڕانەوەبۆماڵی کوردی پێویستە، چونکە دەرەوەیەکی بەهێز پێویستی بە ناوەوەیەکی پتەو هەیە، نەمویست هەموو شتیش لێرەدا بنووسم.