رێبین حەیدەری، پەیکەرسازی کورد، پەیکەرێکی بۆ حاجی قادری کۆیی شاعیری کورد دروستکردووە و بڕیارە لە شاری کۆیە دابندرێت.
رێبین حەیدەری رایگەیاند، کارەکانی پەیکەرەکە تەواو بووە، بەڵام بەهۆی بڵاوبوونەوەی ڤایرۆسی کۆرۆنا دانانی پەیکەرەکە لە شاری کۆیە و ئەنجامدانی دوا قۆناخی دروستکردنی پەیکەرەکە دواکەوتووە.
ئاماژەی بۆ ئەوەشکرد، پەیکەرەکە لەسەر ئەرکی د.تەها رەسووڵ دروستکراوە و تەنیا قۆناخی برۆنزی ماوە کە لە تاران بۆی دەکرێت.
رێبین حەیدەری خەڵکی بۆکانی رۆژهەڵاتی کوردستانە و لە سوێد و ئەمریکا ژیاوە، خوێندنی لە هونەری پەیکەرسازیدا لەو دوو وڵاتە تەواوکردووە، ئێستا لە بۆکان دەژی و درێژە بە هونەرەکەی دەدات.
حەیدەری پەیکەرەکانی لە قوڕ، بەرد، گەچ و برۆنز دروستدەکات و لە چەندین وڵات پێشانگەی تایبەت بە کارەکانی کردووەتەوە، لەوانە ئەمریکا، سوێد، ئیتاڵیا، فینلاند و ئێران.
ليست هناك تعليقات
إرسال تعليق