شاندێکی ژنانی تەڤگەری ئازادیی کۆمەڵگەی کوردستان بریندارانی هێرشەکەی کونەماسییان بەسەرکردەوە و سەردانی شوێنی بۆردوومانەکەشیان کرد لە کونەماسیی.
دوانیوەڕۆی ئەمڕۆ شاندێکی ژنانی تەڤگەری ئازادیی کۆمەڵگەی کوردستان لە دوو سەردانی جیاوازدا برینداران و شوێنی هێرشەکەی دەوڵەتی تورکیان لە سەیرنگای کونەماسیی بەسەرکردەوە.
شاندەکە سەرەتا لە سلێمانی سەردانی خانەوادەی کەیوان کاوەیان کرد، کە خۆی و دوو منداڵی و هاوسەرەکەی لە هێرشەکەدا برینداربوون و هیوای زووچاکبوونەوەیان بۆ خواستن.
پاشان سەردانی سەیرانگای کونەماسییان کرد و شوێنی بۆردوومانەکەیان بەسەرکردەوە، دواتریش سەردانی کەسوکاری بریندارەکانی هێرشەکەیان کرد.
سارا ڕەزا، یەکێک لە ئەندامانی شاندەکی تەڤگەری ئازادیی وتی: بڕیارمان دابوو خۆمان دوکانەکە نۆژەن بکەینەوە، بەڵام کۆمپانیایەکی دیکە بەسوپاسەوە ئەو ئەرکەی گرتووەتە ئەستۆ، ئێمەش هەرچییەک مایەوە تەواوی دەکەین.
وتیشی: وەکو ژنانی تەڤگەری ئازادیی داگیرکاریی و کۆمەڵکوژییەکانی دەوڵەتی داگیرکەری تورک ئیدانە و شەرمەزاردەکەین، ئامانجیان لەم هێرشانەش لە ناوبردنی گەلی کورد و دەستکەوتەکانییەتی بەڵام ناتوانن بەم هێرشانە ئیرادەمان بشکێنن، هەروەها لە هەموو هێرش و داگیرکارییەکانی دوژمندا ژنان قوربانی یەکەمن بۆیە بەئەکی خۆمان دەزانین خاوەنداریی گەلی خۆمان و بەتایبەتی ژنان بکەین.
دواتر لەلایەن عایشە مستەفا، دایکی یەکێک لە بریندارەکانەوە بە گەرمی پێشوازیی لە شاندەکە کرا و وتی: گەلی کورد لە هەرچوارپارچەی کوردستان هەر یەکە و دەوڵەتی تورکیش دوژمنی کوردە و هەموو کوردێک بۆ ئەو وەکوو یەکە مەدەنی بێت یان گەریلا.
ليست هناك تعليقات
إرسال تعليق