پڕۆژێ_فڕۆکخانا_دهۆکێ

ئۆمێد حاجی بەڕۆشکی

-

هەر پڕۆژەیەك ل هەر باژێڕەکێ هەرێمێ بهێتە دروستکرن، جهێ کەیڤ خۆشیێ یە، و هەمی بۆ وەڵاتێ مەیە .

بەلێ دەمێ دروستکرنا پڕۆژەیان بشێوەکێ نەدادپەروەری بیت، ئەڤە جهێ ڕەخنەگرتنێ یە، و نیشانا پرسیارێ لسەر ئەدایا حکومەتێ بۆ بابەتێ ناوچەگیری دروست دکەت، و دبیتە ئەگەرێ دروستبوونا نەڤیانێ دناڤبەرا خەلکێ باژێڕان دا .

مە دیت ددەمێ بووریدا، چەندین پڕۆژێن ستراتیژی ل هەولێر و سلێمانیێ هاتنە جێبەجێکرن، جاددا ١٠٠ مەتری و ١٥٠ مەتری ل هەولێرێ ب کوژمێ نێزیکی تڕلیونەکێ، جاددا ١٠٠ مەتری ل سلێمانیێ ب کوژمێ ٩٠٠ ملیاران، و دهۆك ؟؟؟؟

بۆ ماوێ چەندین ساڵانە چ پڕۆژەیێن ستراتیژی ل دهۆکێ نەهاتینە دروستکرن .

ئەڤد چەندین ساڵە سۆز ب خەلکێ دهۆکێ هاتبوودان، ب دروستکرنا فڕۆکخانا دهۆکێ، لێ ئەڤە چەندین ساڵ دەڕبازبوون و تا نها نەهاتیە دروستکرن، بێگۆمان سەرۆکاتیا حکومەتێ ب پلا ئێك و ئیدارا دهۆکێ ب پلا دوو ژێ بەرپرسیارن .

لەوا ژی ب ڕێکا سۆشیال میدیایێ داخازا خۆ دگەهینە حکومەتێ و ئیدارا پارێزگەهێ ئەڤی پڕۆژەی بگەهینتە جهـ، ئەگەر نە دقۆناغێن داهاتی دا، دێ پەنایێ بەینە هەمبەر دەنگێ جاددێ .

ب دروستکرنا ئەڤی پڕۆژەی، هەم ئاستێ دهۆکێ ل نیڤ دەولەتی دێ بلندبیت، و چەندین ئەندازیار و کرێکار دێ مفای ژێ بینن ددەمێ کارکرنێ دا، و چەندین دەرچوو ژی دێ لێ هێنە دامەزراندن، و ژ هەمیێ گرنگتر کارئاسانیە بۆ خەلکێ دهۆکێ، دەما پێدڤی ب گەشتا دبن، نەچنە هەولێر و سلێمانیێ .

هیڤیدارین ڕۆژنامەڤان، چاڵاکڤان و هاوڵاتیێن دهۆکێ، لژێر ئەڤی هاشتاگی و ب ڕێنوسیا دروستا ئەڤی هاشتاگی، بەشداربن، و دەنگێ خۆ بگەهینن .