لە شاری مەککەی وڵاتی سعودیە بە بەشداری ١٠ هەزار کەس و بە جێبەجێکردنی رێنماییە تەندروستییەکان، رێوڕەسمی حەج بەڕێوەدەچێت و لەو چوارچێوەیەشدا، بەرگی کەعبەش گۆڕدرا.
ئاژانسی فەرمی هەواڵی سعودیە بڵاویکردەوە، ئەمساڵیش تیمەکانی مزگەوتی نەبەوی و مزگەوتی حەرام هاوشێوەی ساڵانی رابردوو، بەرگی کەعبەیان گۆڕی.
بەرگی کەعبە بە بەکارهێنانی ٦۷۰ کیلۆگرام ئاوریشم، ۱۲۰ کیلۆگرام زێڕ و ۱۰۰ کیلۆگرام زیو بە دەستی ۲۰۰ کرێکار دروستکراوە.
پێشتر، وەزارەتی حەج و عەمرەی سعودیە بەهۆی بڵاوبوونەوەی ڤایرۆسی کۆرۆناوە بڕیاری سنوردارکردنی رێوڕەسمی حەجیدا و لەمساڵدا تەنها رێگە بە هاوڵاتییانی سعودیە دەدرێت بە لەبەرچاوگرتنی مەرجە تەندروستییەکان فەریزەی حەج ئەنجامبدەن، بەمهۆیەشەوە ژمارەی حاجییەکان لەمساڵدا لە دوو ملیۆن و ٥۰۰ هەزار حاجییەوە بۆ ۱۰ هەزار حاجی کەمبووەتەوە.
ليست هناك تعليقات
إرسال تعليق