سالاری بازیان
-
پرسی كەسایەتی نەخۆشییەكی ڕیشەیی گەلی كوردە، خودگەرایی لە خوێنی هەموو مرۆڤێكدا ئامادەگی هەیە، ئەم توخمە سەری كێشاوە بۆ نەژادپەرستی تا گەیاندییە دەوڵەت-نەتەوە.
كورد تاحاڵی حازر بێ شوناس و ناسنامە و ئاڵایە، هەر جوڵانەوەیەك بێتەگۆڕێ، پەلاماری دەدات و دەبێتە شوێنكەوتەی وتە باوەكە (لە مۆسكۆ باران دەبارێ و لێرە كوردەكان چەتری بۆ هەڵدەدەن).
لەپێناو دەربازبووندا، ڕێگاكانی ئەزموون كردووە، لە كۆتاشدا هەر زیاتر پەرت و بڵاو و دووژمنانیش زاڵتر.
لێرەوە دەروێشەكان ئەبنە بەشێك لە برینی ئەم جەستەیە، بەردەوامییان هەیە وەك هەموو نەریتەكانیتری خێڵ زیندوو ئەبنەوە و درێژەیان هەیە.
ئەوەی ئەمجارە كۆمەڵگای بەهۆی هەڵوێستی دەروێشەكانەوە توشی شۆك كرد، جگە لە بڕینی مەرزەكان و مەترسی كۆرۆنا، بەڵكو چەند كردەیەكە كە قابیلی تێڕامانە.
1-پەیوەندی ڕۆحی كە لە سایەی سیستەمی سەرمایەداریدا كە تەواو داغان و نابووت بووە، هێزی لە ژیان بڕٍیوە، لە مەملەكەتی ئەفراندنی میراتگری پەیامبەرەكان بێ جێگرتنەوەی بە سیستەمێكی عەقڵانی، مرۆڤ شەرم لە خۆی دەكات كە بۆتە پەیكەرێكی بێ كاریگەر و بێ دەستكەوت، ناچار جارێكیتر دەگەڕێتەوە بۆ ڕابردووی خۆی، بێگومان كردەیەكی لەو جۆرە جێگەی شۆك و تێڕامانە، زەنگێكە بۆ لێدان لە دەرگای جارێكیتری ڕۆح.
2-وابەستەگی و كوردبوون لە هەڵچوونی دەروێشەكاندا، لێدانە لە تەواوی یاساكانی داگیركاری كە چەند ڕێگاكان تەلبەند و بۆمبڕێژ و پڕ پاسەوان بن، بە هەموو هێزی تەكنەلۆژییەوە... هەڵوێستێكی لەو جۆرە پایەكانی دەوڵەت-میللەت ڕیسوا و نابوت ئەكات.
3- لەسەروبەندی كەرەنتینەدا و لە زەمەنی خۆپارێزیدا كە دنیا ئاڵودەبوووە، بوونەوەرێك لە سروشتەوە دێت و كاریزمای شێخەكەیان پەتی ئارامگرتنیان دەپچڕێنێ و بەڕێدەكەون، ئەوان لە جوانی شێخ زیاتر گوێ لە هیچ عەیبوعارێكی ناگرن، بە جۆش و خرۆشەوە حاڵ لە خۆیان دێنن و بە شمشێر و زیكر و تەهلیلە، هەموو یاسا و ڕێساكانی زەمەنی پۆست مۆدێرنە، دەخەنەژێر پرسیارەوە.
لە جوانی زیاتر گوێ لە هیچ
4-بەزمی دەروێشەكان زۆر لە عاشورای شیعەكان دەچێ، لە سنگ كوتان و حوزن و فیغان و شمشێربازی كە بێگومان سنورەكانی ئەقڵ دەبەزێنێ، وەلێ بەزمی دەروێشەكان خاڵییە لە گوتار، زیاتر لە هەڵوەدایەكی سۆزداری بێ ئایندە، ئەركی ئەنجام دەدا تا دڵی خۆی و خانەوادەی شێخ ڕازی بكات، واتا خاڵییە لە بونیادنانی كەسایەتی كورد.
بەزمی شیعەكان لە كردەی سیاپۆشی ڕووكەشدا، نزیك لە یەك ناوەرۆك، پڕ لە دنیابینی فەلسەفی، دروستكردنی كەسایەتی، پەرتكردنی ئایینێك بۆ ئەبەدی، دەبێتە مەنهەجی هەزاران عارف و ماددەی چەندەها توێژینەوەی زانستی. تەریك وەك سوپەری گونجاندن لەگەڵ دنیای سەردەمدا، ئاوێتەكردنی بە خوێندن و عیشق، فكر و گرێبەستی كۆمەڵایەتی، بەجۆرێك زۆر لە موریدەكانی دەگەنە پلەی بەرزی بڕوانامە و خوێندەواری و كۆی كۆمەڵگا ناچار دەكەن كە گوێبیستی گوتار و نوسینەكانیان بن، لەوپەڕی سایكۆلار تا ئەوپەڕی كۆنزەرڤاتیڤ، ڕستەكانیان دەماودەم بگێڕنەوە و لە مەخسەرەبازی قوتاری بكەن. هەروەك دەڵێن هەرچەندە عەشقی ئیمام حوسێن بێت، ئەویش عاشقی دەبێ. سنگ كوتان و لەخۆدان و خوێن جاری بوون، ئیمام حوسێن بە زیندوویی دەهێڵێتەوە، وەلێ شێخی كەسنەزان ڕاستە هۆكاری دروستكردنی فەزاكەیە، بەڵام بێ ویژدانییەكی گەورەیە شێخ و دەروێش وەك یەك پاكێج سەیریان بكرێت، دەروێش ڕاستگۆیانە و بە بڕواوە دەیەوێ لەم گرێبەستەدا بگات بە خوداوەند و دەروونی خۆی لە ڕێگەی ئازاردانی خۆیەوە خاڵی و ئارام بكاتەوە، لە پشتی ئەوەوە چی دەگوزەرێ نەك گرنگە بۆی و نە ڕەخنەی دەكات. گرنگ ڕازەكانی بە ئەمانەتەوە، وەك هەموو تێگەیشتنەكانیتر بگاتە گوێی كردگار، بەڵام ئەوەی جێی نیگەرانییە لە كۆمەڵگای كوردەواریدا كە لەجیاتی شێخ، دەروێشەكان دەبنە گاڵتەجاڕی و ترس و دڵەڕاوكێ. شانۆیەكە كە دەروێشەكان تەنها خۆیان بینەری ڕاستەقینەی خۆیانن. كۆمەڵگاش بەچاوی سەرلێشێوای و كڵۆڵی و بەدبەختی لێیان دەڕوانن، شێخەكەشیان پایەی كۆمەڵایەتی بەرزتر و بەهێزتر دەبێت و لە بازنەیەكی خانەوادەیی لە باوكەوە بۆ كوڕ، نمایشكردنی تەریقەتەكەی وەك ئاماژەیەك بۆ مانەوە، بەردەوامیدان بەم دۆخە، خۆی لە خودنمایی و نمایشی كورت و سنوردار تێناپەڕێ، واتا تەریقەتی شێخ بۆ مانەوەیە نەك بۆ ئایندە.
ليست هناك تعليقات
إرسال تعليق