هێمن عبدلقادر
-
پیاو ناتوانێت هاوسەرەکەی ناچار بکات کە عاشقی کەس و کارەکەی بێ ، هەر بەو چەشنەش ژن ناتوانێت پیاوەکەی ناچار بکات عاشقی کەسوکارەکەی ببێت ، بە ڵام واجبی سەر شانی پیاوە کە ڕێزی کەس و کاری ژنەکەی بگرێت هەر بەو چەشنە واجبی سەرشانی ژنە کە ڕێزی کەس و کاری مێردەکەی بگرێت.
کاتێک پیاوێک زیاتر پەیوەستە بە دایک و خوشک و براکانیەوە ، تا ژنخوشک و ژن برا و خەسوو و خەزوریەوە ، کارێکی ئاساییە ، چونکە ڕایەڵەی پەیوەندی گرتن لەسەر بنەمای (فیطرە) بنیاد نراوە لە نێوانیان ، پەیوەندیەکە لە سەر بنەمای کیمیا و بایۆلۆجیا و خوێن و (دی ئێن ئەی) بنیات نراوە ، لە دەرەوەی ئیرادەی کەسەکەیە ، هەر بەو چەشنە کاتێک ژنێکیش زیاتر پەیوەستە بە کەس و کاری خۆیەوە تا کەس و کاری مێردەکەی ئاساییە چونکە شێوازی (پەیوەندی گرتن)ەکە بۆ ئەویش راستە
بەڵام هیچ ژنێک مافی ئەوەی نیە نە بە شەرع ، نە بە یاسا ، نە بەعورف سوکایەتی بە کەس کاری هاوسەرەکەی بکات ، وە بە پێچەوانەشەوە هەر راستە
کاتێک هاوسەرەکەت کێشەی بۆ کەس و کارت نیە و بە خراپە باسیان ناکات و نەبۆتە عەیب و عار بۆیان و تەداخولاتی ژیانیان ناکات ئەمە بۆ خۆی چاکەیە
#
هەڵەی گەورەی زۆرینەی ژن و مێردەکان ئەوەیە کە خۆشەویستی نێوان خۆیان دەبەستنەوە بە رادەی دەر بڕینی خۆشەویستی بۆ کەس و کارەکەیان ، لە کاتێکدا ئەو دوو پەیوەندیە لە شێواز و مامەڵەکردندا زۆر جیاوازن لە یەکتری .
تۆ ناتوانی بە ئەندازەی دایکت خەسوت خۆش بوێت ئەمە کارێکە لەدەرەوەی ئیرادەی مرۆڤە چونکە دایکت شیری پێداوی لە باوەشی کردووی ، بەڵام دەتوانی ڕیزی بگریت هەر بەو چەشنەی کە ڕیزی دایکی خۆت یان باوکی خۆت یان برای خۆت و خێزانی خۆت دەگری
نوقتە سەری دێڕ ......
#
*بۆ لایەنی یاسایی بگەڕێنەوە بۆ (یاسای بەرەنگاربونەوەی توندو تیژی خێزانی لە هەرێمی کوردستان ) ژمارە (٨) ی ساڵی (٢٠١١)
* پۆستەکە کاتییە و وەڵامی هاوڕێیەک بوو پێم خۆش بوو رای ئێوەشی لەسەر بێت و بیبینن
*عیشق لە دواییدا مامەڵە کردنە، لە هەست و سۆز تێپەڕ دەکات هەر ئەو مامەڵەیە دەتوانێت خۆشەویستی بگۆڕێت بۆ دۆزەخ و دۆزەخیش بکاتە جەننەت
ليست هناك تعليقات
إرسال تعليق