کۆمپانیای فیات کرایسلەری ئەمریکی-ئیتاڵی رایگیاند، بەهۆی هەبوونی کێشەی ئێرباگ لە هەندێک لە مۆدێلی ئۆتۆمبێلەکانی زیاتر لە 900 هەزار ئۆتۆمبێلی خۆیان لە بازاڕدا دەکشێننەوە و بۆ بەکارهێنەران چاکیان دەکەنەوە.
فیات کرایسلەر ئاماژە بەوە دەدات، مۆدێلی 2007 تاوەکو 2011ی ئۆتۆمبیلەکانی جۆری دۆج نیترۆ و دۆج تاون کێشەیان لە ئێیرباگی سوکانەکانیاندا هەیە و بەو هۆیەشەوە 925 هەزار و 239 ئۆتۆمبێلیان لە بازاڕەکانی ئەمریکا دەکشێننەوە.
کۆمپانیاکە باس لەوە دەکات، 14 رووداوی هاتووچۆ لەلایەن ئەو جۆرە ئۆتۆمبێلانەوە روویانداوە کە شۆفێرەکانیان بە سووکی برینداربوون و کەسیان گیانیان لەدەستنەداوە.
هەروەها فیات کرایسلەر دەڵێت، ئێرباگی ئەو ئۆتۆمبێلانە لەلایەن کۆمپانیای تاکاتاوە دروستنەکراوە کە ساڵی رابردوو مایەپووچ بوو.
تاکاتا یەکێک لە بەرهەمهێنەرە بەناوبانگەکانی ئێرباگ بوو و ئێرباگی بۆ زۆربەی براندەکانی ئۆتۆمبێل دروستدەکرد، بەڵام بەهۆی چەندین کێشە لە ئێرباگی ئەو کۆمپانیا ژاپۆنییەدا ساڵی رابردوو مایەپووچ بوو.
ليست هناك تعليقات
إرسال تعليق