پاش بڵاوبوونەوەی دەنگۆی تووشبوونی بە ڤایرۆسی کۆرۆنا، نووسەر و وەرگێڕ و شاعیر توانا ئەمین ڕایگەیاند، تووشی کۆرۆنا بووە و دەڵێ، تووشبوون بە کۆرۆنا شتێک نییە شەرمی لێ بکات و "وەکو هەموو تووشبوویەکی دیکە، ئاسایی وەریدەگرم".
توانا ئەمین ئاماژەی بەوە کرد، بۆ ماوەی سێ رۆژ هەستی بە ماندووبوون و بێتاقەتی کردووە، بۆیە پشکنینی ڤایرۆسی کۆرۆنای کردووە و ئەنجامی پشکنینەکەی پۆزەتیڤ دەرچووە.
لە ماوەی رابردوودا بەهۆی راگەیاندنی قەدەخەی هاتووچۆ و رێکارەکانی تایبەت بە کۆرۆنا توانا ئەمین پرۆژەیەکی راگەیاند بۆ ئەو ئاژەڵە بێسەرپەرشتانەی کە لە شەقام و کۆڵانەکانی شارەکاندا بوون، هەروەها پرۆژەیەکی بردووەتە پەرلەمانی کوردستان تاوەکو یاسایەک بۆ ئاژەڵە بێسەرپەرشتەکان دەرچێت.
توانا ئەمین ساڵی 1981 لە سلێمانی لەدایکبووە، رۆژنامەنووس، نووسەر، شاعیر و وەرگێڕە، لە زمانەکانی سوێدی و فارسییەوە وەرگێڕانی هەیە، خاوەنی چەندین کتێب و کتێبی وەرگێڕدراوە.
ليست هناك تعليقات
إرسال تعليق