دکتۆر شێركۆ عەبدوڵا
-
۱ـ چۆن ئەزانی باوکت و دایکت بەینیان باش بووە؟
+چونکە ئێستا کەم کەم دێنە فەیسبووک
**
۲ـ چۆنت زانی کۆبوونەوەکە ھیچی لێ سەوز نابێ؟
+چونکە زەردەکەی تیا نەبوو
**
۳ـ چۆن ئەزانی دایکت کۆرۆنای گرتووە؟
+چونکە زوو زوو براژنم ماچ ئەکات
**
٤ـ چۆنت زانی گۆڕانە؟
+چونکە زۆر دیفاع لە پارتی ئەکات
**
٥ـ چۆن ئەزانی زۆری خۆش ئەوێی؟
+چونکە لەبەر چاوی ئەودا گوێ لە گۆرانیی گەعدە ئەگرم تووڕە نابێ
**
٦ـ چۆن ئەزانی نێرە؟
+چونکە حکومەت ئەیدۆشێ
**
۷ـ چۆن ئەزانی نایکەن؟
+چونکە خێری میللەتی تیایە
**
۸ـ چۆن ئەزانی ماستەکەیان ماستی مەڕ نییە؟
+چونکە تەنیا ھەر شەش قازیان ھەیە
**
۹ـ چۆنت زانی دکتۆرێکی باشە؟
+چونکە فەحسی بۆ نەنووسیم
**
۱٠ـ چۆن ئەزانی کەس دەستی بۆ نابات؟
+چونکە خستوومەتە ناو داواکارییەکانی خەڵکی سلێمانییەوە
**
۱۱ـ چۆن ئەزانی کەسوکارەکەی ئینسانی باشن
+چونکە قسەی لەگەڵ کەسیاندا نییە
**
۱۲ـ چۆن ئەزانی وەزعەکە باش ئەبێ
+چونکە ھچ شتێک لەمە خراپتر نییە
ليست هناك تعليقات
إرسال تعليق