رۆژەی یەکشەممە 2020/05/17 سەرۆکی هەرێمی کوردستان پێشوازیی لە پەرلەمانتارانی نوێنەرانی پێکهاتە نەتەوەیی و ئایینییەکانی هەرێمی کوردستان کرد و جەختی لەوە کردەوە، نابێت پێکهاتە نەتەوەیی و ئایینییەکان بکرێنە بەشێک لە ناکۆکییە سیاسییەکان و دەبێت هەمووان هاوکار بن و هەوڵی تێپەڕاندنی سەختییەکانی ئەم قۆناخە بدەن.
نێچیرڤان بارزانی، سەرۆکی هەرێمی کوردستان پشتگیریی خۆی بۆ پێکهاتە نەتەوەیی و ئایینییەکانی هەرێمی کوردستان نیشان دا و دووپاتی کردەوە کە ئەوان هاونیشتمانیی رەسەنی هەرێمی کوردستانن و دەبێت رێز لە بڕیاریان بگیردرێت و ئازادییان پارێزراوبێت.
لە کۆبوونەوەکەدا نوێنەرانی پێکهاتەکان سەرنج و بۆچوونی خۆیان لەبارەی رەوشی ئێستای هەرێمی کوردستان و رۆڵ و پێگەیان لە دامەزراوە فەرمییەکانی حکومەتدا خستەڕوو.
نوێنەرانی پێکهاتەکان سوپاسی سەرۆکی هەرێمی کوردستانیان کرد کە لەپێناو پێکەوەژیان و تەباییدا بووەتە چەترێک بۆ کۆکردنەوەی هەموو لایەن و پێهاتەکان.
هاوکات ئەو نوێنەرانە چەند کێشە و گرفتێکیان خستەڕوو و داوایان لە سەرۆکی هەرێمی کوردستان کرد کە لە چارەسەرکردنیاندا هاوکارییان بکات.
نێچیرڤان بارزانی، سەرۆکی هەرێمی کوردستان لە دیدارەکەدا جەختی لە پاراستنی یەکڕیزی و تەبایی و جێگیرکردنی ماف و شایستەکانی پێکهاتەکان لە دەستووری داهاتووی هەرێمی کوردستاندا کردەوە.
سەرۆکی هەرێمی کوردستان هەبوونی پێکهاتە نەتەوەیی و ئایینییەکانی بە مایەی شانازی و وێنەیەکی جوانی هەرێمی کوردستان زانی و پێداگری لەوە کرد کە دەبێت ئەوە بپارێزرێت و بەرگریی لێبکرێت.
کۆبوونەوەی سەرۆکی هەرێمی کوردستان لەگەڵ نوێنەری پێکهاتەکان
نێچیرڤان بارزانی باسی لەوە کرد کە رەوشی هەرێمی کوردستان پێویستی بە یەکڕیزی و سەقامگیریی سیاسی و کاری پێکەوەیی هەموو لایەنە سیاسییەکان و پێکهاتەکان هەیە.
سەرۆکی هەرێمی کوردستان جەختی لەوە کردەوە، دەبێت هەمووان لەگەڵ حکومەت و دامەزراوەکانی هەرێمی کوردستاندا هاوکار بن و هەوڵی تێپەڕاندنی سەختییەکانی ئەم قۆناخە بدەن و لەم بارەیەشەوە سەرۆکایەتیی هەرێمیش لە کار و هەوڵەکانی بەردەوام دەبێت.
ليست هناك تعليقات
إرسال تعليق