به‌یاننامه‌ی كۆمه‌ڵێك رێكخراوی مه‌ده‌نی و ژنان ده‌رباره‌ی كێشه‌كانی هه‌رێمی كوردستان
بۆ رای گشتی
وەك هەموو لایەك ئاگادارە تەواوی جیهان لە هەوڵی بەرەنگاربوونەوەی پەتای كۆرۆنادایە، لە هەرێمی كوردستان و ئێراقدا لەگەڵ ئەم هەوڵانەدا بۆ تێپەڕاندنی ئەم پەتایە. بەڵام رۆژبەرۆژ گرژی و ئاڵۆزییەكان لە زیادبووندان بەتایبەتی هێرش و پەلاماردانەكانی رژێمی توركیا بۆ سەر خاكی باشووری كوردستان و هەوڵە ستراتیژییەكانی بۆ داگیركردنی تەواوی باشووری كوردستان. دیسان نەبوونی مووچە و نەبوونی خزمەتگوزاری و هه‌ڵکشانی رێژەی هەژاری و نەبوونی ئازادی رادەربڕین و گرتن و زیندانیكردنی رۆژنامەنووس و خاوەن هەڵوێست، ژیانی هاوڵاتیانی قورسترکردوه.
بڵاوكردنەوەی هێزی پێشمەرگە لە گەلێك ناوچەی وەك 'زینی وەرتێ' و باڵەكایەتی و رەواندوز و دۆڵی رۆستی و زنجیرە چیاكانی هەڵگورد لەژێر ناوی بەرەنگاربوونەوەی پەتای كۆرۆنا و لە ژێر ناوی هێزی یەكگرتووانەی حكومەت كە لەبنەمادا تاكلایەنە و سڕینەوەی تەواوی لایەنەكانی تری ناو حكومەتە. زەنگێكی مەترسیدارە بۆ رێنیشاندان و هێنانە ژوورەوەی سوپای توركیا بۆ سەر خاكی باشووری كوردستان، كە مەبەستی تەواوەتی توركیا داگیركردن و لەباربردنی تەواوی دەسكەوتەكانی باشووری كوردستانە، قوڵكردنەوەی ناكۆكی و ململانێی نێوان هێزەكان دروست دەكات.
ئێمه وەك گروپێك لە ژنان لە نوێنەرایەتی بەشێكی زۆری لایەنە سیاسییەكان و نوێنەرایەتی رێكخراوەكانی ژنان و رێكخراوی مەدەنی و كەسایەتی سەربەخۆ و چالاكوانان، كە بەردەوام رۆڵمان گێراوە لە هەنگاوی ئاشتیخوازانە و بێ سنوور و بێ بەرژەوەندی تەنگی حیزبایەتی بۆ ئارامی چارەسەری كارمان كردووە، ئێستاش به‌ئه‌رکی ئه‌زانین رۆڵ بگێرین لە چارەسەركردنی ئەم كێشانە و ببینە هێزی ئاشتەوایی و چارەسەری لەسەر ئەو بنەمایە:
- داوا لە گەلەكەمان دەكەین كە بەهەموو شێوەیەك هۆشیاربن و رێگە بە شەڕی نێوان هێزە كوردییەكان نەدرێت و ئاستەنگی بكەین لەبەردەم داگیركاریدا. وەرن هەموومان پێكەوە وەك سەرهەڵدانەكەی ساڵی پاری شێلادزی كاربكەین بۆ دەركردنی سوپای توركیا.
- داوا لە هەموو پەرلەمانتارانی هەرێمی كوردستان دەكەین بەزووترین كات دانیشتنێكی تایبەت ساز بكەن و بریاڕ بده‌ن بۆ ئەوەی تەواوی ئەو هێزانەی بەناوی حكومەت یان حیزب جوڵەیان پێكراوە بگەرێنەوە جێگەی خۆیان. هەروەها تەواوی بنكە و بارەگاكانی دەوڵەتی توركیا لە باشووری كوردستان بكرێنە دەرەوە و گەمارۆی سەر كەمپی مەخموور هەڵگیرێت.
- داوا لە حكومەتی هەرێمی كوردستان دەكەین كە تەواوی رۆژنامەوانان و گیراوی سیاسی و ئەوانەی لەسەر ئازادی رادەربرین و بیروڕای سیاسی جیاواز بەندكراون ئازاد بكرێن.
- هەروەها بەزووترین كات موچە بەسەر هەموو فەرمانبەراندا دابەش بكەن، چیتر هاوڵاتیان نه‌کرێنه قوربانی په‌رژه‌وه‌ندی ته‌سکی حیزبایه‌تی و یاری به موچه‌و قوتی خه‌ڵکه‌وه نه‌کرێت.
- داهاتی ناوخۆی هه‌رێم شه‌فاف بکرێت و ده‌ست له سیاسه‌تی برسی کردنی میلله‌ت هه‌ڵبگیرێت و سامانی سه‌رزه‌وی ژێرزه‌وی بۆ هه‌موان بێت.
ناوی رێکخراو و چالاکوان و کەسایەتی بەشداربوو:
- رێکخراوای ژنانی ئازادی کوردستان
- سەرای زەردەشتیانی کوردستان
- سەنتەری کویانی شاری سلێمانی
- تۆڕی پێکهاتە ئایینی و نەتەوەییەکان
- رێکخراوی دیاکۆی ماد
- رێکخراوی یەسنا
- جڤاتی کۆمەڵایەتی یەکبوونی ناوخۆیی
- گروپی ئاژەڵ دۆستانی کوردستان
- رێکخستنی ژنانی تەڤگەری ئازادی
- پرۆژەی ژن ژیانە مەیکوژە
- کۆمەڵگای ژنانی ئازادی رۆژهەڵاتی کوردستان
- تۆڕی هاوبەشی رێکخراوەکان
- ئاراز گەلاوێژ – چالاکوان
- شێرکۆ حەمەئەمین – چالاکی سیاسی
- هاوڕێ جەبار – چالاکوانی سیاسی
- هیوا عەبدوڵا – چالاکوانی مەدەنی
- ئاوارە خان – هونەرمەند
- ئارام هەڵەدنی – چالاکوانی سیاسی
- هەڵمەت تەلان – چالاکوانی سیاسی
- شۆڕش خدر – چالاکوانی سیاسی
- عبدالصمد شێخ حسن – چالاکوانی مەدەنی و ل.پەیوەندییەکانی رێکخراوی عەرعەر بۆ داکۆکی لە نەوەی شەهیدان و ئەنفالکراوان
- ژینۆ رەشید – چالاکوانی ژنان
- فەزیلە ئیبراهیم صالح – رێکخراوی گەشەپێدانی کۆمەڵایەتی کوردستان
- مژدە مەحمود – چالاکوان
- ناهیدە عبدالكريم – ئەندامی تۆڕی هاوبەشی رێکخراوەکان، نوێنەری کۆمەڵەی ئافرەتان
- گروپی راستاڵ
- دەزگای ژنانی کەمە نەتەوایەتییەکان و ئەنجومەنی یەکبوونی ناوخۆ
- رووپاک اسماعیل لاو احمد – ئەندامی تۆڕی هاوبەش
- ڤینا کەمال – چالاکوانی مەدەنی
- شێخ جەلیل – چالاکوانی مەدەنی
- مونیرە عوسمان علی – ئەندام پەرلەمانی پێشووی هەرێمی کوردستان
- پەروا علی – ئەندام پەرلەمانی پێشووی هەرێمی کوردستان
- ژینۆ محەمەد – رۆژنامەنووس
- کنێر عەبدوڵا – نووسەر
- گوڵزار نائب عمر – چالاکوان
- تارا حسێن – چالاکوانی سیاسی
- پەیام ئەحمەد – چالاکوان
- نەجیبە عومەر – چالاکوانی ژنان
- سنوور کەریم – مامۆستا و چالاکوان
- هاوژین زیبا – راگەیاندنکار
- سۆما فەرهاد – سەرنووسەر
- هاودەنگ سلێمانی – چالاکوان و ئازادیخواز
- تانیا علی – ئاشتیخواز
- مهاباد عوسمان – مامۆستا
- شەیدا مەعروف – چالاکی ژنان
- کۆمەڵەی کوردستان سەوز
- ئەنجوومەنی یەکبوونی ناوخۆ
تێبینی؛ ئەگەر داواكارییەكانمان جێبەجی نەكرێت، ئەوا هه‌ڵوێستی ترمان ده‌بێت، بۆ چارەسەری كێشە و ئاڵۆزییه‌کان.
ليست هناك تعليقات
إرسال تعليق