كوردپلات - هەواڵ
-
رووحوڵڵا لەتیفی، گوتەبێژی بەڕێوەبەرایەتیی گومرگی ئێران رایگەیاند: "ئەمڕۆ 30/4/2020دەروازەی سنووری شێخ سالح-پشتە لە سەڵاسی باوەجانی لە سنووری پارێزگای کرماشان لەگەڵ هەرێمی کوردستان دەکرێتەوە."
کردنەوەی دەروازە سنوورییە نیمچەفەرمییەکە لەکاتێکدایە رۆژی سێشەممە دەروازەی نیمچەفەرمی شوشمێ بە هەمانشێوە کرایەوە و بازرگانی دوای دوو مانگ وەستان بەهۆی ڤایرۆسی کۆرۆنا لەو دەروازەیە دەستیپێکردەوە .
رووحوڵڵا لەتیفی لەبارەی هاتووچۆی بارهەڵگر و بازرگانان لەو دەروازەیە دەڵێت: "رۆژانە نزیکەی 200 بارهەڵگر لە دەروازەی شێخ سالحەوە کاڵایان دەگواستەوە." دەروازەکە لە دیوی هەرێمی کوردستان پشتەی پێدەگوترێت .
بە کردنەوەی ئەو دەروازە سنوورە نیمچە فەرمییە، ئێستا شەش دەروازەی سنووریی ، سێیان فەرمی و سێی دیکەش نیمچە فەرمین لە نێوان هەرێمی کوردستان و ئێران کراونەتەوە، هەر سێ دەروازەی سنووریی حاجی ئۆمەران، باشماخ، پەروێزخان لەماوەی ڤایرۆسی کۆرۆناش دانەخران و بازرگانی تێیاندا بەردەوام بوو، ئەوە لەکاتێکدایە نزیکەی نیوەی کاڵا نانەوتییەکانی ئێران بۆ عێراق لە رێگەی پارێزگای کرماشانەوە دەگوازرێتەوە .
رۆژی 21ی ئەو مانگە نەسرووڵڵا رەشنوودی، کۆنسوڵی ئێران لە هەولێر لە نووڕۆژی دۆستان رایگەیاند: "بە رەچاوکردنی رێنماییە تەندروستییەکان رۆژانە 700 بارهەڵگر کاڵا لە دەروازە سنوورییەکانی نێوان هەرێمی کوردستان و کۆماری ئیسلامی ئێران دەگوازنەوە .
رەشنوودی دەڵێت: "بە بەرپرسانی هەرێمیشمان راگەیاندووە، سنوورەکانمان لەسەر بازرگانەکان، وەبەرهێنەران، پیشەسازان، بارهەڵگرە ترانزیتییەکان و شۆفێرەکانی ترانزیت کردووەتەوە، ئەگەر حکومەتی بەڕێزی هەرێمی کوردستان بڕیار بدات بە کردنەوەی سنوورەکان و هاتووچۆی ئەم کەسانە، ئێمە ئەم کارە دەکەین".
جگە لە سێ دەروازەی نێودەوڵەتی (باشماخ، حاجی ئۆمەران و پەروێزخان) هەرێمی کوردستان چەند دەروازەیەکی نافەرمیشی لەگەڵ ئێراندا هەیە، ئەوانیش کێلێ، تەوێڵە، پشتە، شوشمێ و سەیرانبەن
ليست هناك تعليقات
إرسال تعليق