كوردپلات - هەمەڕەنگ
-
دو خوشكی دوانە، دوای ئەوەی ئەنجامی پشكنینەكانیان تایبەت بە ڤایرۆسی كۆرۆنا پۆزەتیڤ دەرچو، لەماوەی سێ رۆژدا گیانیان سپارد.
كاتی و ئێمما، دو خوشكی دوانە بون كە هەردوكیان پیشەیان پەرستار بو و هەمیشە پێیانوابوە پێكەوە دەمرن، هەفتەی رابردو لەماوەی سێ رۆژدا بەهۆی توشبونیان بە پەتای كۆڤید-19 گیانیانلەدەستدا.
زۆی، خوشكی ئەو دو دوانەیە لەوبارەیەوە رایگەیاند "ئەوان هەمیشە دەیانوت پێكەوە هاتونەتە ئەم ژیانەوە و بەیەكیشەوە بەجێیدەهێڵن، هەردوكیان پێكەوە دەژیان و نەخۆشی دیكەشیان لەگەڵدابو".
كاتی دەیڤس، كە تەمەنی 37 ساڵ بو و پیشەی پەرستاری نەخۆشخانەیەكی منداڵان بو، ئەنجامی پشكنینەكانی بۆ كۆرۆنا پۆزەتیڤ دەرچوبو بەوهۆیەوە سێشەممەی رابردو گیانیلەدەستدا.
ئێمما دەیڤس، هاوشێوەی خوشكەكەی و لەماوەی رابردودا لە هەمان نەخۆشخانە بەشی نەشتەرگەری پەرستاربوە و سێ رۆژ دوای كاتی، ئەمرۆ هەینی بەهۆی توشبونی بە كۆرۆنا گیانی سپارد.
تا ئێستا كۆی گشتی ژمارەی پەرستاران لە سەرتاسەری بریتانیان كە بەهۆی توشبونیان بە كۆرۆنا گیانیانلەدەستداوە، گەیشتوەتە 50 تەندروستكار.
ليست هناك تعليقات
إرسال تعليق