كوردپلات - هەواڵ
-
وتەبێژى ژورى ئۆپراسۆنەکانى هەولێر ڕایگەیاند، "پێم وایە قەدەغەى هاتوچۆ بەمشێوەیەى ئێستا کە هەیە دریژدەکرێتەوە و پێدەچێت گۆڕانکاریش لە کاتەکانى قەدەغەى هاتوچۆ بکرێت".
هێمن قادر جێگرى پارێزگارى هەولێر و وتەبێژى ژورى ئۆپراسۆنەکانى هەولێر بە ئێن ئاڕتى ڕاگەیاند، "پێم وایە قەدەغەى هاتوچۆ بەمشێوەیەى ئێستا کە هەیە درێژدەکرێتەوە و ئەو شوێنانەشى کە پێشتر ڕێگە بە کردنەوەیان دراوە هیچ بڕیارێک نەدراوە جارێکى دیکە دابخرێنەوە دەشڵێت، ڕێکارەکانى خۆپارێزى وەک خۆى دەمێنێتەوە و کاریان پێدەکرێت".
وتیشى، "وەک پارێزگارى هەولێر چەندین پێشنیازمانکردووە بۆ وەزارەتى ناوخۆ و لە ئێستادا چاوەڕێی بریار و بەیاننامەى ئەوانین لە بارەى درێژکردنەوەى قەدەغەى هاتوچۆ."
لەبارەى کردنەوەى دەوامى فەرمانگەکان هێمن قادر ڕایگەیاند، "بڕیارى دەستپێکردنەوەى دەوامى فەرمانگەکان لە دەسەڵاتى حکومەتى هەرێمى کوردستانە و ئەمرۆ یان سبەى ئەو بڕیارە دەدرێت".
لەبارەى کردنەوەى مزگەوتەکان ئاماژەى بەوەکرد، "دەسەڵاتى کردنەوەى مزگەوتەکان لاى وەزارەتى ئەوقاف و کاروبارى ئاینیە و هەرکاتیش ئەو بڕیارە بدرێت بۆ هەموو هەرێمی کوردستانە."
لە رۆژی ١٢ی نیسانەوە بە قۆناغ ئاساییکردنەوەی ژیانی هاوڵاتیان لە هەرێم دەستیپێکردووە و بەرپرسانیش داوا لە هاوڵاتیان دەکەن، بەهۆی کرانەوەی بازاڕ و شوێنە گشتییەکانەوە زیاتر لە جاران پابەندی رێنماییەکان بن
ليست هناك تعليقات
إرسال تعليق