دکتۆرە ئاڤێستا کەمال
کۆرۆنا ئەو ڤایرۆسەی هەموو شتێکی لەبارەوە دەزانین و هیچ شتێکی دەربارە نازانین ، دەزانین ترسناکە لە هەموو دونیا بڵاوبوەتەوە بەڵام نازانین سروشتی چۆنە و چییە و تا کەی و بە چ شێوەیەک تەواو دەبێت نازانین سروشتییە یان دەستکرد بۆ گۆڕینی سیستمی دەسەڵاتە زەبەلاحەکانە یان پەتایەکی کتوپڕییە.
جۆرەها لێکدانەوەی بۆکراوە کە هەموویان لە نێوان تێوری پلانگێڕی و لێکدانەوەی سادە لەوحانەدا دەوەستێتەوە و تا ئێستا ڕاپۆرتێکی شێلگیرانەی جدی لەسەر ئەم بابەتە نەهاتوەتە دەرەوە بەهەر حاڵ نامەوێت زۆر لەسەر ئەو پرسیارانە بوەستم کە دەبوو لە کۆرۆنا و سروشتەکەی و لێکەوتەکانی بکرێت بەڵکو دەمەوێت ئاوڕێک لە کۆرۆنا و پراکتیزەکردنی دەسەڵات لەکوردستان بدەینەوە بەکورتی لە چەند خێکدا دەیخەمەڕوو :
۱. ئەم کارەساتە جیهانییە تا ئێستا لە ڕووی مادییەوە هیچ لەسەر حکومەت نەکەوتوە نە وەک خزمەتگوزاری تەندرووستی و نەوەک خزمەتگوزاری مرۆیی .
۲. دەسەڵاتی کوردی هەر زوو خەڵکی کردە ژوورەوە نەک وەک دڵسۆری بەڵکو بۆی ناچار نەبێت دەزگای هەناسەدانی دەستکرد بکڕێت کە نرخەکەی هەزاران دۆلارە
۳. باشترین ڕێگا بۆ ڕامکردنی خەڵک و کپکردنەوەی دەنگ ئەوەیە دوژمنێکی دەرەکیت هەبێت و میللەت سەرقاڵی ڕووبەڕووبوونەوەی بێت کۆرۆناش باشترین بیانوی دابینکرد بۆ ئەم مەبەستە
٤. دەسەڵاتی کوردی تەنانەت لەسەر حیزبە پچووکەکانیش کۆرۆناین وەک بەهانە بەکارهێنا بۆ داخستنی بارەگاکانیان و خۆقوتارکرن لە بەرپرسیارێتی
٥. دووپاتکرنەوەی بایەخ نەدان بە بژێوی خەڵک لەم قەیرانەدا بەتەواوی بە دەسەڵاتی کوردیەوە دیاربوو بە ڕادەیەک سیستمی کۆمەڵایەتی خۆی دەیەوێت کەلێنی تێکچوونی باڵانسەکان پڕبکاتەوە و خەڵک خۆیان کەوتنە یارمەتی یەکتر بۆی سیستمەکە زیاتر بەرەو ڕووخان نەڕوات
زۆر وردەکاری دیکە کە ڕەنگە بابەتەکە زۆر دوورودرێژ بکات ولە دەرفەتێکی تردا باسی دەکەین
ليست هناك تعليقات
إرسال تعليق